എല്ലാ സർവീസുകളും താൽക്കാലികമായി റദ്ദാക്കിയതായി ദുബായ് എയർപോർട്സ് അതോറിറ്റി

സമയക്രമം സംബന്ധിച്ച വിവരങ്ങൾക്കായി അതാത് വിമാനകമ്പനികളെ സമീപിക്കണമെന്നും അധികൃതർ

ദുബായ് വിമാനത്താവളം വഴിയുള്ള എല്ലാ സർവീസുകളും താൽക്കാലികമായി റദ്ദാക്കിയതായി ദുബായ് എയർപോർട്സ് അതോറിറ്റി അറിയിച്ചു. ദുബായ് ഇന്റർനാഷണൽ എയർപോർട്ട്, ദുബായ് വേൾഡ് സെൻട്രൽ വഴിയുള്ള സർവീസുകളാണ് റദ്ദാക്കിയത്. യാത്രക്കാർ വിമാനത്താവളങ്ങളിലേക്ക് എത്തരുതെന്നും വിമാന സർവീസുകളുടെ സമയക്രമം സംബന്ധിച്ച വിവരങ്ങൾക്കായി അതാത് വിമാനകമ്പനികളെ സമീപിക്കണമെന്നും അധികൃതർ ആവശ്യപ്പെട്ടു. യാത്രക്കാരുടെ സുരക്ഷക്കാണ് പ്രാധാന്യം നൽകുന്നതെന്നും അധികൃതർ വ്യക്തമാക്കി.