പതിനാറാം നൂറ്റാണ്ടില് നിര്മിക്കപ്പെട്ട ബാബറി മസ്ജിദ്, ദീര്ഘനാള് നീണ്ടുനിന്ന മത-രാഷ്ട്രീയ വിവാദങ്ങള്ക്കൊടുവില് തകര്ക്കപ്പെട്ട കേസില് 27 വര്ഷത്തിനു ശേഷമാണ് പ്രത്യേക കോടതി വിധി പറയുന്നത്.
ബാബറി മസ്ജിദ് കേസില് എല്ലാ പ്രതികളെയും വെറുതെവിട്ട് പ്രത്യേക കോടതി വിധി. ബാബറി മസ്ജിദ് തകര്ത്തത് മുന്കൂട്ടി ആസൂത്രണം ചെയ്തിട്ടില്ലെന്നും ഗൂഢാലോചനയ്ക്കു തെളിവില്ലെന്നും പ്രത്യേക കോടതി ജഡ്ജി എസ്കെ യാദവ് വിധിച്ചു.
പതിനാറാം നൂറ്റാണ്ടില് നിര്മിക്കപ്പെട്ട ബാബറി മസ്ജിദ്, ദീര്ഘനാള് നീണ്ടുനിന്ന മത-രാഷ്ട്രീയ വിവാദങ്ങള്ക്കൊടുവില് തകര്ക്കപ്പെട്ട കേസില് 27 വര്ഷത്തിനു ശേഷമാണ് പ്രത്യേക കോടതി വിധി പറയുന്നത്.
മുന് ഉപപ്രധാനമന്ത്രിയും മുതിര്ന്ന ബിജെപി നേതാവുമായ എല്കെ അഡ്വാനി, മുന് കേന്ദ്രമന്ത്രി മുരളീ മനോഹര് ജോഷി, മുന് കേന്ദ്രമന്ത്രി ഉമാ ഭാരതി, യുപി മുന് മുഖ്യമന്ത്രി കല്യാണ് സിങ്ങ് എന്നിവര് ഉള്പ്പെടെ 32 പേരാണ്, ബാബരി മസ്ജിദ് തകര്ത്തതുമായി ബന്ധപ്പെട്ട ഗൂഢാലോചനകേസില് പ്രതിസ്ഥാനത്ത് ഉണ്ടായിരുന്നത്. എല്ലാ പ്രതികളും വിധി പ്രസ്താവ സമയത്ത് ഹാജരാവണമെന്ന് കോടതി നിര്ദേശിച്ചിരുന്നെങ്കിലും അഡ്വാനിയും ജോഷിയും കല്യാണ് സിങ്ങും ഉമാഭാരതിയും എത്തിയില്ല. കല്യാണ് സിങ്ങും ഉമാഭാരതിയും കോവിഡ് ചികിത്സയിലാണ്. പ്രായധിക്യവും കോവിഡ് പ്രോട്ടോക്കോളും മൂലം എത്താനാവില്ലെന്നാണ് അഡ്വാനിയും ജോഷിയും അറിയിച്ചത്. മഹന്ത് നൃത്യഗോപാല് ദാസും സതീഷ് പ്രധാനും നേരിട്ടു ഹാജരായില്ല. ഇവര്ക്കു വിഡിയോ കോണ്ഫറന്സ് വഴി പങ്കെടുക്കാന് കോടതി അനുമതി നല്കി.
വിനയ് കത്യാര്, സാധ്വി ഋതംബര, സാക്ഷി മഹാരാജ്, ധരംദാസ്, വേദാന്തി, ലല്ലു സിങ്, ചംപത് റായി, പവന് പാണ്ഡേ തുടങ്ങി 26 പ്രതികള് കോടതിയില് ഹാജരായി.
ട്രംപ് വിളിച്ചുചേർത്ത യോഗത്തിൽ ഷെയ്ഖ് അബ്ദുല്ല ബിൻ സായിദ് അൽ നഹ്യാൻ പങ്കെടുത്തു
ഷെയ്ഖ് അഹമ്മദ് ബിൻ റാഷിദ് അൽ മക്തൂമിന്റെ വിയോഗത്തിൽ അനുശോചനം
അന്തരിച്ച ഷെയ്ഖ് അഹമ്മദ് ബിൻ റാഷിദ് അൽ മക്തൂമിനായുള്ള മരണാനന്തര പ്രാർത്ഥനാ ചടങ്ങുകൾ ഗ്രാൻഡ് സബീൽ മോസ്കിൽ
377 വ്യാജ റിക്രൂട്ട്മെന്റുകൾ കണ്ടെത്തിയതായി മാനവ വിഭവശേഷി, സ്വദേശിവൽക്കരണ മന്ത്രാലയം
