ഇന്ന് കോവിഡ് മരണം റിപ്പോർട്ട് ചെയ്തിട്ടില്ല
യു എ ഇ യിൽ ഇന്ന് 265 കോവിഡ് കേസുകൾ സ്ഥിരീകരിച്ചു. കഴിഞ്ഞ 24 മണിക്കൂറിനിടെ 2,32,493 ടെസ്റ്റുകളാണ് നടത്തിയത്. 368 പേർ രോഗമുക്തി നേടി. ഇന്ന് കോവിഡ് മരണം റിപ്പോർട്ട് ചെയ്തിട്ടില്ല. രാജ്യത്താകെ 2,302 പേരാണ് രോഗം ബാധിച്ചു മരണപ്പെട്ടത്. 14,492 സജീവ കേസുകളാണുള്ളത്.
എഡ്ജ് ഓഫ് ലൈഫ് കാമ്പയിൻ വഴി 2.8 ബില്യൺ ദിർഹത്തിലധികം സമാഹരിച്ചു
ആഗോളതലത്തിൽ കുട്ടികളുടെ വിശപ്പ് പരിഹരിക്കാൻ ലക്ഷ്യമിട്ടുള്ള "എഡ്ജ് ഓഫ് ലൈഫ്" കാമ്പയിൻ വഴി 2.8 ബില്യൺ ദിർഹത്തിലധികം സമാഹരിച്ചതായി യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം തിങ്കളാഴ്ച പ്രഖ്യാപിച്ചു.
തിങ്കളാഴ്ച യുഎഇ വ്യോമ പ്രതിരോധ സേന തകർത്തത് ആറ് ബാലിസ്റ്റിക് മിസൈലുകളും 21 ഡ്രോണുകളും
തിങ്കളാഴ്ച യുഎഇ വ്യോമ പ്രതിരോധ സേന ആറ് ബാലിസ്റ്റിക് മിസൈലുകളും 21 ഡ്രോണുകളും തകർത്തതായി പ്രതിരോധ മന്ത്രാലയം അറിയിച്ചു.
ഈദ് ആദ്യ മൂന്ന് ദിവസങ്ങളിൽ പൊതു പാർക്കിംഗ് സൗജന്യമായിരിക്കുമെന്ന് RTA
ഈദ് അൽ ഫിത്തർ അവധിക്കാലത്ത് ദുബായിലെ മെട്രോ, ട്രാം, ബസ് സർവീസുകൾ വിപുലീകൃത ഷെഡ്യൂളുകൾ പ്രവർത്തിപ്പിക്കുമെന്ന് റോഡ്സ് ആൻഡ് ട്രാൻസ്പോർട്ട് അതോറിറ്റി (ആർടിഎ) പ്രഖ്യാപിച്ചു, ഈദ് അൽ ഫിത്തർ അവധിക്കാലത്ത്ആദ്യ മൂന്ന് ദിവസങ്ങളിൽ പൊതു പാർക്കിംഗ് സൗജന്യമായിരിക്കും.
ഡ്രോൺ ഇടിച്ചതിനെ തുടർന്ന് ഉം അൽ ഖുവൈനിലെ ഒരു കെട്ടിടത്തിന് തീപിടിച്ചു
ഡ്രോൺ ഇടിച്ചതിനെ തുടർന്ന് ഉം അൽ ഖുവൈനിലെ ഒരു കെട്ടിടത്തിന് തീപിടിച്ചതായി ഉം അൽ ഖുവൈൻ സർക്കാരിന്റെ മീഡിയ ഓഫീസ് തിങ്കളാഴ്ച സ്ഥിരീകരിച്ചു. സംഭവത്തെത്തുടർന്ന് തീപിടുത്തമുണ്ടായെങ്കിലും ആളപായമൊന്നും റിപ്പോർട്ട് ചെയ്തിട്ടില്ലെന്ന് ഉദ്യോഗസ്ഥർ പറഞ്ഞു.
