യുഎഇയുടെ വിവിധ ഭാഗങ്ങളിൽ വെള്ളിയാഴ്ച വരെ മഴ

'ഇന്റർട്രോപ്പിക്കൽ കൺവേർജൻസ് സോൺ' വടക്കോട്ട് നീങ്ങുന്നത് ഉൾപ്പെടെയുള്ള കാലാവസ്ഥാ വ്യതിയാനങ്ങളാണ്  അസ്ഥിരമായ കാലാവസ്ഥയ്ക്ക് കാരണം

യുഎഇയുടെ വിവിധ ഭാഗങ്ങളിൽ വെള്ളിയാഴ്ച വരെ മഴയ്ക്ക് സാധ്യത .  കിഴക്കൻ, തെക്കൻ മേഖലകളിൽ ആകാശം മേഘാവൃതമായിരിക്കും .  തീവ്രതയിലുള്ള മഴ ലഭിക്കാനും സാധ്യതയുണ്ടെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.

'ഇന്റർട്രോപ്പിക്കൽ കൺവേർജൻസ് സോൺ' വടക്കോട്ട് നീങ്ങുന്നത് ഉൾപ്പെടെയുള്ള കാലാവസ്ഥാ വ്യതിയാനങ്ങളാണ്  അസ്ഥിരമായ കാലാവസ്ഥയ്ക്ക് കാരണം. 

 കാറ്റ്  ശക്തിപ്രാപിക്കാൻ സാധ്യതയുണ്ട്. ചിലയിടങ്ങളിൽ പൊടികാറ്റിനു സാധ്യത ഉണ്ടെന്നും  കാഴ്ച പരിധി കുറയുമെന്നതിനാൽ വാഹനം ഓടിക്കുന്നവർ ജാഗ്രത പാലിക്കണമെന്നും അധികൃതർ അറിയിച്ചു.